Tag

22 C’hwevrer

Browsing

Ouzhpenn 1000 den a oa deut disadorn da Naoned evit manifestiñ adarre enep feulster ar polis, ur bloaz goude manifestadeg vras an 22 a viz C’hwevrer 2014 enep ar raktres aerborzh e Kernitron-al-Lann. Tri den a oa bet krevet ul lagad dezhe d’ar c’houlz-se abalamour da dennadennoù flashballs hag un toullad tud all a oa bet gloazet.

500 a bolisierien, a CRSed hag a archerien, ur viñsaskell ha kanolioù-dour a oa e-tal d’ar vanifesterien dec’h.

E penn a-raok an dibunadeg e oa “Bodadeg an dud gloazet gant ar polis” hag a oa deut eus ar Frañs a-bezh.

Un 10 den bennaket a zo bet dastumet gant ar boliserien e-kerzh ar vanifestadeg ha 4 den a zo bet gloazet gante da vihanañ.

Sach-blev a zo bet etre ar polis hag ar vanifesterien betek fin an abardae.

10961694_10152584021350213_685129561_n-1

11020932_10152584020790213_593708505_n

Ur paotr yaouank skoet gant ar polis dec'h
Ur paotr yaouank skoet gant ar polis dec’h

NAONED

Eus ar 16 d’an 20 a viz Meurzh e tremeno dirak lez-varn Roazhon daou eus ar boliserien a oa o redek war-lerc’h Zyed Benna ha Bouna Traoré d’ar 27 a viz Here 2005 e Clichy-sous-Bois. Marvet e oa an daou zen yaouank e-barzh an treuzfurmer ma oant koachet evit klask en em zizober eus ar boliserien. Ur bern emsavioù a oa bet er c’harterioù da heul an afer-se. Hirie an deiz eo treut a-walc’h an tamall graet ouzh ar boliserien (« non assistance à personne en danger ») ha douetañs zo e teufe « gwirionez ha justis » diwar ar prosez-se.

Goude ar « sizhunvezh a rezistañs » diwezhañ e vo c’hoazh digarez da blediñ gant ar stourm enep feulster ar polis a-benn un nebeut sizhunioù.

Kantinenn ha bodadeg a vo bemdez da greisteiz dirak lez-varn Roazhon eus ar 16 d’an 20 a viz Meurzh.

Kaozeadennoù a vo e meur a lec’h e Roazhon war fin an deiz.

Manifestadeg a vo ivez d’ar merc’her 18 a viz Meurzh da 3e g.m. adalek Keoded ar Justis (Cité Judiciaire).

Titouroù ouzhpenn :

https://novembre2005.wordpress.com/

Bretagne-info.