D’ar 6 a viz Kerzu : e Breizh hag e lec’h all, ra vo muioc’h a oberou evit dieubidigezh Georges Abdallah !
Ar stourm evit dieubidigezh Georges Abdallah na c’hell ket bezañ distag diouzh ar stourm evit frankiz ar pobloù !
Ul lodenn eus ar stourm evit dieubiñ ar brizonidi politikel ha dispac’hel an hini eo !
Georges Abdallah , ur c’homunour Libanad anezhañ, zo engouestlet e dieubidigezh Palestin.
Gallout a rafe bezañ dieub abaoe 1999, nac’hañ a ra Stad-C’hall e vefe laosket da vont, peogwir e talc’h da zougen mouezh ar stourm er brezel a zieubidigezh enep d’an impalaeriezh hag e eztaol sionour. Georges Abdallah zo ar prizoniad politikel koshañ en Europa- goude 40 vloaz en toull-bac’h. Sevel a ra ar bloaz mañ evit an 10vet gwezh ur goulenn dieubiñ amplegadek.
D’ar 15 a viz Du, lez-varn-dalc’h ar c’hastizoù e Pariz he doa klevet ar 4000 den deuet da sikour anezhañ e Lanamesa e-lec’h m’emañ bac’het Georges Abdallah. Heklev o c’hoant dibleg ha pennek da zerc’hel gant ar stourm betek ma vo dieub ar prizoniad dibar-se zo bet klevet ganto.
D’ar 15 a viz Du, lez-varn-dalc’h ar c’hastizoù e Pariz he doa klevet trouz ar c’houlzad evit dieubidigezh Georges Abdallah o vont war greñvaat hag al lañs poblek a c’heller klevet e pep lec’h er C’hwec’hkorn koulz ha war an dachenn etrevroadel o huchal a unvouez « Frankiz evit Georges Abdallah !» evel ma oa bet graet d’ar 14 a viz Du e 35 kêr kenurzhiet er stourm.
D’ar 15 a viz Du, lez-varn-dalc’h ar c’hastizoù e Pariz he doa klevet ne ra al lañs a genskoazell bet kroget ouzhpenn 20 vloaz zo nemet mont war gresk , en em silhañ a ra e pep lec’h, er miziou diwezhañ dreist-holl, evit dont da vezañ ur wagennad greñv evit ma teufe dieubidigezh Georges Abdallah- hag asambles gantañ, ar stourm reizh evit Palestin- da vezañ e deiziataer politikel hon holl stourmoù a wel d’an holl war an dachenn bolitikel.
D’ar 15 a viz Du, lez-varn-dalc’h ar c’hastizoù e Pariz he doa komprenet ne « tougfe morse Gaza banniel gwenn ar c’hodianañ. Nag ar sionourien, na nerzh torfedel ebet na vo trec’h war youl taliñ ar rezistañs e Gaza » evel ma oa splann e vije graet kement all gant Georges Abdallah hag ar re a harp anezhañ, kar Georges Abdallah zo perzh deus hon stourmoù hag e dieubidigezh da vat zo perzh deus hon emgann betek an trec’h pe an trec’h !
Ya ‘vat, ar 15 a viz Du zo bet un trec’h politikel ha lezennel , met dalc’homp da stourm ! Evit enebiñ ouzh ar galv kaset a-benn gant ar prokulor a lakaa astal war diviz ar-l lezvarn a roe e frankiz da Georges Abdallah e kemeromp perzh e galv nevez ar c’hKoulzad Unvan evit Dieubidigezh Georges Abdallah (KUeDGA) evit ma vo « mil oberenn o vleuñviñ evit e dieubidigezh war an dachenn lec’hel, broadel pe etrebroadel »
.
E pep lec’h e Breizh, e-lec’h ma vez roet kalz arc’hant gant ar strollegezhioù lec’hel da Thalès ha d’al lobi milourel-industriel a denn gounidoù deus an dagadenn impalaerour e Liban-Palestin, bezomp niverus o kemer perzh d’ar 6 a viz Kerzu 2024 , en devezh stourm etrevroadel kenurzhiet evit dieubidigezh Georges Abdallah, Ra vo stank an tolpadegoù, prezegennoù, skritellaouegoù, gitonioù dispaket pe oberennoù arzel.
Ar stourm evit Georges Abdallah zo stag da vat ouzh an emgann evit dieubigezh pobloù Liban ha Palestin. Perzh eo deus an emgann evit dieubidigezh ar brizonidi politikel pe dispac’hel bac’het gant Stad-C’hall, hag en o mesk : re hor c’hamaladed deus Kanaky, Korsika pe Euskal Herria.
