Itziar Moreno ha Alaitz Aramendi o doa yunet e-pad daou zevezh e toull-bac’h ar merc’hed e Roazhon. An div euskaradez o doa graet kement-se da ziskouez o c’henskoazell a-bell gant Iñaki Bilbao “Txikito” a zo o kas un hir a stourm en un toull-bac’h er stad-Spagn ( Puerto 3).
Bac’het pell diouzh e vro , e unan deus prizonioù kaletañ stad-Spagn Iñaki Bilbao Goikoetxea “Txikito” en deus tremenet 36 bloaz en toull. Perzh eo deus al lodenn deus ar brizonidi politikel a vro Euskal a nac’h e vije bet dilaosket hent an armoù gant ETA. Un dek bennak dionte o deus kuitaet EPPK ( Strollad Prizonidi Politikel Euskadi) evit derc’hel gant ul linenn bolitikel kalet. Harpet int gant ul luskad politikel hag a zifenn ger-stur an distaoliadeg. Iztiar hag Alaitz zo perzh deus EPPK avat.
Itziar Moreno eta Alaitz Aramendi gaur, asteartea, janariari errefusa eta bihar, asteazkena, baraua egingo dute Iñaki Bilbao “#Txikito“ren elkartasunez.
🔴#Txikito gose eta egarri greba mugagabean🔴#AmnistiaOsoa #8egunhttps://t.co/A8SMi2GECa
— Amnistia Garrasia (@AmnistiaGarrasi) November 10, 2020
Daoust da se e felle dezhe sachañ evezh war harz-debriñ hag harz-yec’hed Txikito. Chomet e oa a sav gant ur yun bet dalc’het etre an 9 a viz Gwengolo hag an 30 a viz Here evt azgoulenn “An dizalc’hiezh hag ar sokialouriezh evit Bro-Euskal“. Goude un ehan eo krog en dro d’en ober hag ar wezh-mañ hep evañ, abaoe an eil a viz Du.
📄 Sorturen oharra Iñaki Bilbao ‘Txikito-ren gose eta egarri grebaren aurrean
📄 Nota de Sortu ante la huelga de hambre y sed de Iñaki Bilbao ‘Txikito’
👉🏽👉🏽👉🏽 https://t.co/jux8gDlxjJ pic.twitter.com/8Nwm49F7m2
— SORTU #LehenikHerria #PrimeroLaGente (@sortuEH) November 10, 2020
Ar strollad dizalc’hour bras deus an tu-kleiz “Sortu” en deus embannet ne gomprene ket pal harz-debriñ hag harz-evañ Txikito kar ne oa diskoulm pleustrek ebet d’e azgoulenn. Goude kement a zevezhioù yun emañ e vuhez en arvar bras.
Ouzhpenn da Itziar hag Alaitz prizonidi all er stad-Spagn , en o-mesk komunourien GRAPO/PCE-R a nac’h debriñ a bep eil evit harpañ Txikito en e stourm. Un nebeud manifestadegoù zo bet ivez gant al luskad a zifenn an doullbac’hidi radikal.
Gaur, Azaroak 15#Donostia: 19:00#Lekeitio: 19:00#Mutriku: 19:00#Etxarri: 19:15#Altsasu: 20:00#Berriozar: 20:00#AmnistiaOsoahttps://t.co/6zSmT4R4nR
— Amnistia Garrasia (@AmnistiaGarrasi) November 15, 2020
Evit skrivañ d’ar prizoniadezed a vro-Euskal bac’het e Breizh :
Moreno Martinez, Itziar 9599 hag Aramendi Jaunarena, Alaitz 9544 18 bis, Rue de Châtillon B.P. 3107 35031 Roazhon Cédex
Saioa Sanchez Iturregi Maison d’Arrêt des Femmes de Nantes Rue de la Mainguais 44300 Naoned.