Tag

Stad Spagn

Browsing

Boaz eo brogarourien Asturies lidañ devezh broadel Asturies d’an 8 a viz Gwengolo.

Abaoe meur sizhun stourmerien Andecha Astur ( dizalc’hourien an tu-kleiz e Asturies ) a oa o kabaliñ hardizh a-benn lakaat war wel an azgoulenn republikan e Asturies ivez d’ur c’houlz ma vez kaozeet muioc’h mui  er stad a-bezh deus dibenn renad 1978 hag e vonreizh diamzeriet. Ma n’eo ket kreñv kreñv an emskiant vroadel en Asturies, pas kreñv bepred evel ma vez e Galiza da skouer, eo deuet a-benn ar stourmerien hag ar stourmerezed da vodañ tro-dro d’o geriou stur ha d’o deiziataer politikel un tamm mat a dud.

E dibenn miz Eost izili an talbenn ” Lluchando pola Soberanía” a gaver ennañ komunourien Asturies ar PCA  gant dizalc’hourien Andecha Astur o doa dispaket ur pezh giton e Pont Roman Cangas de Onís , pa oa deuet di tiegezh roue Spagn, a embanne faro ha digemplezh ” N’he deus Asturies Roue ebet ” ( “Asturies nun tien Rei” ) .

Dindan ar ger-stur se o doa kendalc’het da gabaliñ betek disadorn.  Muioc’h evit 500 den o doa kerzhet etre Arriondes ha Cangues dindan bannielou glas Asturies hag ar bannielou ruz pe c’hoazh mouk degaset gant ar gwregelourezed. Berzh he doa eta ar gerzhadeg republikan , dizalc’hour ha gwregelour. Un trec’h eo eme an aozourien.

Er sizhunvezhiou da zont e vo manifestet adarre kredapl gant an holl re se , kar e doug miz Here e vez stank an tolpadegou e koun emsav republikan Here 1934 er vro.

Une randonnée de solidarité avec le peuple catalan est organisée le 24 septembre, dans la cadre de la troisième Université de rentrée de la Gauche Indépendantiste.

Rendez-vous à 12h00 dans le bourg de Tréglamus pour une randonnée familiale et populaire vers le sommet du Menez Bre où nous lirons une déclaration internationale de soutien au peuple Catalan.
Casse-croute et animations au sommet.

Hiziv e oa deiz-ha-bloaz taol-stad Franco e 1936 e stad Spagn. Un devezh dibabet gant tud zo evit lakaat war-wel skritelloù Franco gant ar frazennoù « NO VOTES. El 1 de octubre. No a la república. ». Da lâret eo : « Arabat votiñ. 1añ a viz Here. Nann d’ar repubik » !

Un tammig e pep lec’h er broioù Katalan ez eus bet gwelet skritelloù an diktatour war mogerioù ar vro ar mintin-mañ : peadra da lakaat an dud da gomz evel-just !

Un nebeut amzer goude e oant adpeget gant ur strollad dizalc’hourien anvet « Republica des de Baix » hag a anzave war ar rouedadoù sokial bezañ e-penn ar c’houlzad kehentiñ-se !

Ar strollad dizalc’hourien a embann eo a-bouez bras referendom ar 1añ a viz Here evit dazont ar broioù Katalan, hag a lavar zoken e vefe un distro eus an diktatouriezh chom hep kemer perzh !

Ar pal dre an obererezh-se a zo lakaat an dud da brederiañ diwar-benn ar fed ma nac’h Madrid ma vefe aozet ur referendom gant ar gatalanezed hag ar gatalaniz. D’ar 1añ a viz Here e rankfe koulskoude bezañ aozet, hag ar goulenn savet a vo « Ha c’hoant ho peus ma vefe Katalonia ur stad dizalc’h dindan stumm ur republik ? ».

https://twitter.com/Republica2017/status/887345502802632705